enkar:- pahalagaam aatankee hamale ke samay jammoo-kashmeer mein kareeb 140 aatankee sakriy the, jinamen 14 sthaaneey aatankee shaamil the. ab ghusapaith ke baad yah sankhya 180 ke kareeb pahunch gaee hai, jo chinta ka vishay hai. dakshin kashmeer mein do aatankavaad virodhee abhiyaanon mein 6 (3+3) sthaaneey aatankee maare gae, lekin paakistaanee aatankee abhee bhee ghane jangalon mein chhipe hue hain.

bhaarat dvaara paakistaan aur paak adhikrt kashmeer (peeoke) mein aatankee thikaanon par chalae ja rahe opareshan sindoor ke baavajood niyantran rekha (elosee) par ghusapaith kee ghatanaen tham nahin rahee hain. sootron ke anusaar, pichhale kuchh haphton mein udee aur kupavaada (kashmeer), heeraanagar (saamba) aur sundarabanee (jammoo sambhaag) jaise sektaron se kareeb 45 se 50 aatankee bhaarateey seema mein daakhil hue hain.

sootron se milee jaanakaaree ke anusaar, bhaarateey suraksha balon ka dhyaan bhatakaane ke lie paakistaanee sena dvaara kavar phaayar dekar ghusapaith kee ye koshishen kee gaeen. bhaaree golaabaaree ke dauraan aatankee seema paar kar ghuse. 8, 9, 10 maee ko beeeseph ne saamba mein saat aatankiyon ko maar giraakar ghusapaith kee badee koshish ko naakaam kar diya. yah kaarravaee beeeseph kee satark nigaraanee aur takaneekee sahaayata ke kaaran sambhav ho paee, haalaanki kuchh aatankee phir bhee ghusapaith karane mein saphal ho gae. pahalagaam aatankee hamale ke samay jammoo-kashmeer mein kareeb 140 aatankee sakriy the, jinamen 14 sthaaneey aatankee shaamil the. ab ghusapaith ke baad yah sankhya 180 ke kareeb pahunch gaee hai, jo chinta ka vishay hai. dakshin kashmeer mein do aatankavaad virodhee abhiyaanon mein 6 (3+3) sthaaneey aatankee maare gae, lekin paakistaanee aatankee abhee bhee ghane jangalon mein chhipe hue hain. sena ne entee phidaayeen skvod aur speshal opareshan grup (esojee) ke javaanon kee chhotee-chhotee teemen in durgam ilaakon mein bhejee hain. haalaanki kaee visheshagy kah rahe hain ki suraksha balon ke beech behatar samanvay kee jaroorat hai, lekin sheersh adhikaariyon ko bharosa hai ki samay ke saath sthiti niyantran mein aa jaegee. 22 aprail ko pahalagaam hamale mein 26 logon (jyaadaatar paryatak) kee maut ke baad bhaarat ne paakistaan ke bahaavalapur aur mureedake mein aatankee sangathan lashkar-e-taiyaba aur jaish-e-mohammad ke thikaanon par hamala kiya tha. yah hamala opareshan sindoor ke tahat hua tha. isake baad bhaarat aur paakistaan yuddh ke kagaar par pahunch gae the.

bhaarat kee kaarravaee ke baad khuphiya ejensiyon ne sambhaavit aatmaghaatee hamalon ko lekar alart jaaree kiya tha. aashanka jataee gaee thee ki suraksha pratishthaanon, sena ke pratishthaanon, mandiron aur nadee pariyojanaon ko nishaana banaaya ja sakata hai. haalaanki kuchh adhikaariyon ka maanana hai ki agale 2-3 maheenon mein sthiti aur kharaab ho sakatee hai, lekin ghusapaith kar chuke aatankee desh ke doosare hisson mein ghusane kee phiraak mein hain. khuphiya sootron ne daava kiya hai ki

ye aatankee pooree tarah se hathiyaaron se lais hain, unhen yuddh ka anubhav hai aur ve sthaaneey modyool ke sampark se bach rahe hain, jo chintaajanak sanket hai.

paakistaan samarthit lashkar-e-taiyaba ke phrant phes da rejistens phrant (teeaareph) ke kuchh aatankee ek maheene se pharaar hain. isake alaava raajauree aur punchh mein aadha darjan hamalon ke peechhe ke aatankee bhee abhee tak pakade nahin ja sake hain. khuphiya ejensiyon ke sootron ka maanana hai ki ye aatankee alag-alag grup mein hain aur paira kamaando jaisee trening lekar bhaarat mein tabaahee machaane ke lie bheje gae hain. opareshan sindoor ke dauraan panjaab mein bhee kaaphee tanaav dekhane ko mila tha. ab dron ghusapaith kee ghatanaen lagaataar badh rahee hain. panjaab kee seema paakistaan se 553 kilomeetar lambee hai. sootron ke mutaabik 16 maee ko 50 dron gatividhiyaan darj kee gaee theen. 17 maee ko yah sankhya badhakar 90 ho gaee, jo ab tak kee sabase badee ek din kee riport hai. 18-19 maee ko phir 40-50 dron dekhe gae. inamen se kaee dron ko maar giraaya gaya ya nishkriy kar diya gaya, lekin paakistaan apanee gatividhiyaan band nahin kar raha hai. yah naee rananeeti suraksha balon ke lie chunauteepoorn saabit ho rahee hai.