naee dillee relave steshan par aaj raat bhagadad mach gaee, jisamen kaee log ghaayal ho gae. ghatana kee soochana raat 9:55 baje milee, jisake baad relave prashaasan aur surakshaakarmee mauke par pahunche.

ghatana naee dillee relave steshan ke pletaphorm nambar 14 aur 15 par huee. kol raat 21:55-21:56 baje milee. kul chaar damakal gaadiyon ko mauke par bheja gaya. vistrt jaanakaaree ka intajaar hai.

sootron ke mutaabik prayaagaraaj jaane vaalee do trenon ke radd hone kee vajah se steshan par bhaaree bheed jama ho gaee thee. tren radd hone kee achaanak ghoshana ke baad yaatree ghabara gae, jisase aphara-tapharee mach gaee aur bhagadad mach gaee.

bhagadad mein kaee yaatriyon ke ghaayal hone kee khabar hai, jinhen tatkaal chikitsa suvidha dee ja rahee hai. relave steshan par sthiti ko niyantrit karane ke lie atirikt suraksha bal tainaat kie gae hain. chaar damakal gaadiyaan mauke par pahunch gaee hain aur raahat kaary jaaree hai. relave prashaasan ne yaatriyon se shaant rahane aur aphavaahon par dhyaan na dene kee apeel kee hai.

relave adhikaaree is pooree ghatana kee jaanch kar rahe hain ki trenen kyon radd kee gaeen aur kya paryaapt vyavasthaen kee gaee theen ya nahin. prabhaavit yaatriyon ke lie vishesh helpalain nambar jaaree kie ja sakate hain. is ghatana se yaatriyon mein gussa hai aur relave prashaasan par savaal uth rahe hain.

prayaagaraaj eksapres jab pletaphorm nambar 14 par khadee thee, tab pletaphorm par kaaphee bheed thee. svarn traata senaanee eksapres aur bhuvaneshvar raajadhaanee let theen aur in trenon ke yaatree bhee pletaphorm nambar 12,13 aur 14 par maujood the. relave ne har ghante chmi ke hisaab se 1500 janaral tikat beche. isalie bheed bekaaboo ho gaee. pletaphorm nambar 14 aur pletaphorm nambar 16 ke paas eskeletar ke paas bhagadad mach gaee.